«ما أنا ليه بيت»: الفرق بين المراجعتين
(←مراجع) |
|||
| (مراجعتان متوسطتان بواسطة نفس المستخدم غير معروضتين) | |||
| سطر 1: | سطر 1: | ||
| − | قصيدة دار المسنين أو البيت الجديد واحدة من روائع شاعرة الشعب زينات القليوبى | + | قصيدة دار المسنين أو البيت الجديد واحدة من روائع شاعرة الشعب زينات القليوبى. |
| − | https://www.facebook.com/photo.php?fbid=10153700746356067&set=a.10150806911856067.430403.815416066&type=3&theater | + | باللهجة المصرية القاهرية<ref>https://www.facebook.com/photo.php?fbid=10153700746356067&set=a.10150806911856067.430403.815416066&type=3&theater</ref> |
| − | https://www.youtube.com/watch?v=XYsvuDwAtQQ&app=desktop | + | ==نسخة صوتية== |
| + | منها نسخة على اليوتيوب<ref>https://www.youtube.com/watch?v=XYsvuDwAtQQ&app=desktop</ref> | ||
Mohamed Elhaloty | Mohamed Elhaloty | ||
6 December 2015 at 08:06 · | 6 December 2015 at 08:06 · | ||
| + | ==نص القصيدة== | ||
بتلم ليه الهدمتين والطرحتين والشبشبين ؟ | بتلم ليه الهدمتين والطرحتين والشبشبين ؟ | ||
| سطر 149: | سطر 151: | ||
اللهم ارزقنا بر أبنائنا | اللهم ارزقنا بر أبنائنا | ||
| + | |||
| + | ==إنظر أيضاً== | ||
| + | *[[قصيدة لأم تعيش في دار المسنين]] | ||
| + | |||
| + | ==مراجع== | ||
| + | {{مراجع}} | ||
[[تصنيف:رعاية المسنين في مصر]] | [[تصنيف:رعاية المسنين في مصر]] | ||
[[تصنيف:قضايا إجتماعية]] | [[تصنيف:قضايا إجتماعية]] | ||
| + | [[تصنيف:قطاع الخبرات الشخصية وتجارب الحياة]] | ||
المراجعة الحالية بتاريخ 22:03، 13 أبريل 2018
قصيدة دار المسنين أو البيت الجديد واحدة من روائع شاعرة الشعب زينات القليوبى.
باللهجة المصرية القاهرية[1]
محتويات
نسخة صوتية[عدل]
منها نسخة على اليوتيوب[2]
Mohamed Elhaloty 6 December 2015 at 08:06 ·
نص القصيدة[عدل]
بتلم ليه الهدمتين والطرحتين والشبشبين ؟
ماتقوللي يا ابني واخدني فين؟؟؟
علي بيت جديد؟!! .. ما أنا لياه بيت
هو أنا يا ابني اشتكيت؟
مش عايزه يا ابني بيت جديد…
البيت دهه أنا عشت فيه خمسين سنــــــــه
ما اعرفش غيـــره أي بيت ؟؟؟
أنا جيت عروسه صغيرة
وقعدت فيه لمّا أتحنيت
مين اللي قال أنا عاوزة بيت
أسأل بلاط الأرض ؟؟؟.. وأسأل كـــل حيــط
مش عايزة غيره أي بيت ؟!!
أنا عشت يا ابني سنين هنا ..
وأتمنى أموت برضك هنــــا
أفتح عينيه كل يوم ..
وأقفل عينيه كل يوم
علي فرشتي ومخدتي والبطانية واللحاف
علي أيد أبوك بتضمني ف صورة الزفاف
بتدفي قلبي وتحضنه ف سنيـــــــن عجاف
في الأوضه دي أنا لسّه عايشه ويّا أبوك عمري اللي فـــــات !!!
أصل الحبايب لوسابوك، بيعيشوا فيك بالذكريات ..
خليني يا ابني ويّا أبوك أصحي وابــات
واشم ريحته ف الحاجـــــــات
وأعيش معاه باقي الساعات
مين اللي قالك .. إنه مــــــــــــــــــات؟!
لسّّّه البدل جوّه الدولاب ..
جنب السرير أخر كتاب
نضارته أهي وعبايته أهي
ولسّّه سجادة الصلاة..
والسبحة فوقها منـــوّره ف سنين عجاف
ولسّّّه بااسمع ضحكته وسط السكـــــــات
أنا عايشه يا ابني.. بحاجة أبوك متونســــــــه
وبدخلتك ويّا العيال متونّسه
وأنا عارفه يا ابني،إن خدتني البيت الجديد
رايحه أتنســي .. وأنا يا ابني مش عاوزة أتنسي ؟!!
فإن كنت محتاج الوســع لأجل العيــــال؟
هات العيـــــــــــــال
أنا عندي يا ابني سرير كبير
حاارقد علي حرف السريــــر
وحاسيب لهم باقي السرير
وإن كنت محتاج السرير ؟؟؟.
خد السريــــــــــــر!!!
إن شالله أنام فوق الحصير
لكن أنام وسط الأمـان !!!
خليني يا ابني ف وسطهم ..
قدّرني (واحده) منهــــم
أصحي وأبات على حسهم باقي الزمان ..
وماهوش كتير ؟؟؟.. صدقني يا ابني ؟! ماهوش كتير
أنا مش حاأعيش أدّ اللي عيشته
ولا نفسي أعيش بعد اللي شفتــه
كمّّل جميلك .. واستر الباقي ف حياتي
أنا عمري يا ابني قصاد عينيك ..
فرّطت ف أمي أو حماتـي؟
إن كان ده مني ف يوم حصل
أنا كنت أقول باخد جزاتي
ما تقوللي إيه خلاني يا ابني أهون عليك
وساحبني ويا الهدمتين
رايح تسلمني بأيديك
فرطت ف امك؟.. قوللي ليه
أنا عمري يوم فرطت فيك
وإن كان علي ضيق المكان
ما أنا قلتلك خد السريـــر !!!
وإن كان علي ضيق المعيشة
أبوك سايبلي معاش كبيـــــــر
قسمته يا بني من زمان: النص ليك .. والربع مصروف العيـــــال
والباقي مصروف الـــــدوا !!
لكن خــلاص.. وحياة عينيك ما عاد حايلزمني الدوا
خد المعاش .. كل المعـــــــــــــاش !!!
لكن بــلاش أحس إن ربايتي فيك راحت بـــلاش
اللهم ارزقنا بر أبنائنا
